Vardehornet via Dinglavatnet

Volda

Oppdatert 16.05.2022

Turmålet ligg midt i eit populært turområde nord for Volda sentrum. Mange ruter fører til turmålet. Denne turomtalen følger skogsveg (Prestesætrevegen) til Dinglavatnet og så på sti derifrå til Vardehornet. Flott utsikt på toppen til mellom anna Volda sentrum og Folkestad. Fin familie-, trim- eller etterjobbtur.

Start frå parkeringsplassen ved eit nytt byggefelt (Håmyra). Gå på grusveg (Prestesætrevegen) heile vegen til Dinglavatnet, litt over 3 km. Undervegs passerer du Prestesætra og Prestesæterhuken der det er fint å ta ein stopp. Du passerer også ei lita raud hytte om lag halvvegs. Sjå etter minnesteinen over dei "falne" i Røyshyttebakken (hoppbakke).

Gå heilt opp til deminga ved Dinglavatnet. Herifrå går stien på ryggen vestover til Vardehornet (skilta).

Frå Volda sentrum med bil: Køyr E39 retning Stryn. Ved rundkøyringa ved høgskulen køyrer du rett fram på Vikebygdvegen. Ta så første veg til venstre (Heltnevegen) og så Raudemyrvegen nesten til endes, til du kjem til Håmyra byggefelt (nytt). Totalt ca 3 km. Parkering ved turstart. Du kan gå til start frå dei fleste plassar i Volda sentrum.

Fottur

Blå

Lengde

4 km en vei

Stigning

432 m

Tidsbruk

1 t 15 min