Homborsetsætra frå Vassbotnen

Homborsetsætra er eit populært turmål. Denne ruta startar i austenden av Rotevatnet og går på skogsveg og på sti i fin furuskog. Undervegs passerer du Daletjønna, eit fredeleg og flott område.

OBS! Frå skilt nr. 2 til Homborsetsætra og i ein knapp km er det tildels svært gjørmete etter skogsmaskiner (2022). Lurt å unngå regnfulle dagar.

Frå parkeringsplassen følger du vegen vidare ca 500 m, først på asfalt og så på grusveg til du kjem til turtavle "Litlesætra". Her er det skilta til Homborsetsætra. Følg skilting. Først går du på eldre skogsveg i om lag 1,5 km til du kjem til nytt skilt til Homoborsetsætra. Når du kryssar ei lita elv, går skogsvegen over til sti og du er i Løypingsskaret. Stien er merka med raude merkepinnar i trea. Du kjem snart opp til Daletjønna. Eit fredelig, vakkert område med flott furuskog. Du skal opp ei kort kneik like før Homborsetsætra, følg skilt. På Homborsetsætra er det flott å sitte nede ved ein varde og sjå utover fjorden.