English

Botnasætra - gamleråsa

Volda

Kort om turen

Botnasætra er eit populært turmål, ikkje minst etter at det vart bygd skogsveg til sætra. Botnasætra ligg flott til med utsikt mot Rotevatnet og Volda sentrum. Flott plass å sjå solnedgangen i frå. Denne gamle stien til seters er nyleg rydda og merka; eit godt alternativ til skogsvegen! 

Rutebeskrivelse

Følg vegen som går opp mellom golfbanene. Etter om lag 400 m kjem du til ei grind. Gå gjennom denne og rett fram, sjå skilt. Etter nye 400 m kjem du til eit lite vatn. Gå forbi dette og forbi ei grind. Stien startar like etter grinda på høgre side; sjå etter raudt merke på ein stein. Stien er merka på steinar, stubbar og med merkepinnar i trea, og med nokre retningspiler. Den går først i ope lende på ein eldre skogsveg, så i skogen. Siste 500 m er nokså bratt, men stien er fin å gå på. Du kjem opp på skogsvegen like nedanfor Botnasætra. Ta til venstre når du kjem opp på vegen. No har du fleire valg: A - Gå 20 m og ta sti opp til høgre. Då kjem du opp på setrevollen. B - følg vegen i knapt 200 m og ta sti opp til høgre (her er det skilta til Botnasætra). Då kjem du opp til utsiktsplassen med bordet. Setra ligg 50 m vest for utsiktspunktet, i enden av vegen. Det er B-ruta du finn i denne turomtalen. C - følg vegen heilt rundt. Då kjem du også til utsiktspunktet og setra.

Returen kan du ta på skogsvegen om du vil. Mange likar å gå den brattaste delen ned att på skogsvegen og så inn på råsa midtvegs, ved drikkesteinen. Her er det skilta og merka inn til gamleråsa. Det er også skilta frå råsa og inn på skogsvegen der den brattaste delen av gamleråsa startar, om lag midtvegs.

Adkomst og parkering

Frå Volda sentrum, følg E39 mot Stryn. Ta av til Vikebygda i rundkøyring. Følg Vikebygdvegen i knapt 2 km og ta av til Vassbotnen. Følg Botnavegen forbi parkeringa til golfbana og Botnavegen 48. Turen startar på første veg til venstre. Vegen går opp mellom golfbanene. Grunneigar har sett opp skilt som ønsker deg velkomen til å parkere her.
Fottur
Blå
Lengde
2,18 km en vei
Stigning
398 m
Tidsbruk
1 t
Sesong
Vår, Sommer, Høst

Løype på kart

Valg for kartet:

Underlag Lengde i km
Grus 1,0
Sti 1,18

Offentlig transport

Det er fint å sykle til start, enten på sørsida av Rotevatnet eller som på "Adkomst og parkering"

Annet

Dette er den gamle stien til Botnasætra. Den er nyleg rydda og merka. Om du vil, kan du velge å gå skogsvegen heile vegen til setra. Turomtale: https://morotur.no/tur/Botnasaetra Frå Botnasætra er det fint å gå vidare til Kråkenakken eller Skarphornet.

Kart

Nærturkart Volda - kan kjøpast lokalt (Intersport og Norli) og norgeskart.no
Kjørebeskrivelse
Print ut