Austelidheida/Heida frå Jetmundleitet/Kvilehytta, rute 62

Tur med god stigning frå Jetmundleitet og opp til eit flott utsiktspunkt. Nydelig utsikt over Åheim og ut Vanylvsfjorden.. Ta gjerne ein avstikkar til Jetmundsteinen på andre sida av Fv 61 ved startpunktet.

Ruta startar ved Jetmundleitet, 100 m etter den knappe svingen når ein kjem frå Åheim og har passert Kvilehytta. Det er skilta ved rutestart. Ruta er merka. Ein går først på steinbru over elva. Dreier litt mot venstre der stigninga startar. Kjem straks opp på eit lite platå som ein passerer før ein går rett opp omlag 50 m. Dreier deretter mot høgre (sørover) og går langs ein liten rygg ca. 300 m. Svingar så rett opp og dreier etter kvart til venstre før ein går opp ryggen og følger denne opp på toppen. På kartet er toppen kalla Austelidheida, men lokalt blir den kalla berre Heida. Retur samme veg. Alternativt kan ein gå mot Bekslehornet https://morotur.no/tur/Bekslehornet-rute-62. Mange går også motsett veg frå Beksle, opp til Bekslehornet, vidare langs ryggen mot Heida og ned igjen til Jetmundleitet https://morotur.no/tur/Bekslehornet-Austelidheida-Heida-rute-62