Lebergsfjellet frå Fjellstova

Fin tur i ope landskap med god utsikt i småkuppert terreng. Frå toppen ser du Brustinden, Ystetinden og Sprovstinden på Vestnessida av Ørskogfjellet. I aust ser du Høgsvora og Giskemonibba. I sør ser du Storfjorden og fjella langs den. Lengst i vest ser du øyane rundt Ålesund. Du har også flott utsikt mot Solnørvassdraget og Akslevollvatnet.

Start ved Fjellstova og gå grusvegen nedover mot Løken. Her er det bomveg så du kan også køyre, men det er berre nokre hundre meter. Du møter snart skilt til Lebergsfjellet. Ta av til venstre her og følg merkepinnar heilt til toppen. Terrenget er småkuppert og går over ein del myr. Det kan vere ganske vått, men variert terreng oppover.

Køyr E 39 nordover frå Sjøholt sentrum mot Ørskogfjellet. Parker ved Fjellstova. Fjellstova: avgift berre om vinteren.