Vikahornet på Dyrkorn

Fin tur frå Dyrkornvatnet. Kort, men litt bratt tur som også er spesielt godt eigna for barnefamilier. Sjølv om turen er kort, får du ei kjensle av å vere på verdas tak! På Vikahornet er det flott utsikt over Dyrkornbygda, Storfjorden og fjellområda rundt. På andre sida av fjorden ser du fjellgardane på Skotet. http://www.skotet.no.

Frå parkeringa går du mot den øverste hytta, råsa startar til venstre bak hytta. Turen er merka og har god rås gjennom krattskog med utsyn over Dyrkornvatnet. Vidare frå Vikahornet har du muligheit til å gå opp til Varden og eventuelt vidare til Stordal.