Varguraksla

Variert tur, først på grus, over myr og gjennom tett blandingsskog før du får kjensla av topptur opp til flata på toppen.

Følg grusvegen opp mot Måslia. Der vegen flatar ut vil du finne merkepinnar på venstre side som viser veg til Varguraksla. Du må først krysse myra opp mot skogkanten. Herifrå går den nymerka sti opp gjennom forholdsvis tett blandingsskog før det etterkvart opnar seg opp når stien svingar ut mot ryggen av fjellet. Her går stien ganske tett mot kanten, men det er god plass til å gå lenger til høgre for dei som ikkje likar at det er bratt utfor. Ryggen er brei og trygg å gå på. På toppen er det flatt og god plass til å nyte den flotte utsikta, men det er svært bratt utfor kanten. 

Parker på den store parkeringsplassen på Ørskogfjellet. Turen er skilta frå toalettbygget der.