Svartløkfjellet frå Liasetra

Slak og fin tur i variert terreng der du fort kjem opp og får god utsikt til fjella rundt. 

Start på Liasetra i Ørskog. Ta til høgre når du kjem til den siste hytta. Frå parkeringa her er det skilta til Svartløkfjellet og stien er merka. Stien går eit kort stykke på skogsveg før den tek av til venstre opp gjennom skogen. Stien kan vere delvis våt over nokre myrer før den kjem opp til Lysteinen på ryggen opp mot fjellet. Herifrå er det nokre brattare kneiker, elles slakt og småkuppert terreng i ei ganske rett linje heilt opp til toppen. Du passerer fleire vardar før du når sjølve toppen.