Svartevatnet

Turen går inn i verdsarvområdet Vestnorsk fjordlandskap. Området kom på Unesco si verdsarvliste i 2005 som eit av dei vakraste fjordlandskapa på kloden. Turen byr på utsyn mot eit  høgt verdsett kulturlandskap kring Eidsvatnet. Godt fiskevatn.

Turen startar på rasteplassen på Eide. Her er det informasjonstavle og informasjon om turane i området. yrste del av turen går langs med vatnet på vestsida. Etter eit par hundre meter svingar du av mot vest. Ved den øvste hytta her går du over ei steinklopp og held fram på god rås oppover den bratte lisida. Råsa slynger seg oppover den breie ryggen. På kvar side av ryggen er det ei elv. Området er framleis ope, men etter at det vart slutt på geitehaldet på Eide, ser vi tydeleg at attgroinga er på sterk frammarsj.

Siste del av ruta opp mot turposten på Eidsheia følgjer den gamle telefonlina til Oaldsbygda. På Eidsheia har det lokale idrettslaget turpost.