Storlifjellet

Turen gir flott utsikt til alle fjella i Vaksvika og vidt omkring. Også kjent som Heimste Skura.

Frå parkeringa på Hjellesetra går du vidare langs setervegen til enden av setra. Herifrå går vegen over i merka og skilta sti. Etter eit stykke tek stien av opp langs Skurdgrova og opp gjennom skogen til Skurdbotnen. Du passerer fin blåbærmark, kryssar bekkar og mindre myrer. Ved Skurdbotnen svingar stien skarpt til høgre og følgjer stien ryggen slakt opp mot  Storlifjellet. Herifrå er det flott utsikt mot alle dei storslagne fjella i Vaksvika: Skorkjene, Grytavasstind og Lauparen.Viss du fortset framover i same retning, vil du passerer toppen av Storlifjellet. Herifrå ser du bl.a. Kroketevatnet. Vidare er det tydeleg sti opp til Bolleberget. Det fine varden der er lett å sjå frå Storlifjellet.

Ta av til venstre frå R 650 rett etter den krappe svingen over elva i Vaksvika. Følg vegen innover til du passerer eit stort fjøs på venstre hand. Her møter du bomveg med avgift. Køyr vidare forbi Visetsetra og til enden av vegen på Hjellesetra. Her er det nokre parkeringsplassar. Parker her og følg skilting vidare.