Storhornet/Bjørkenibba

Volda

Oppdatert 30.05.2022

Storhornet/Bjørkenibba er nest høgste fjellet (1600 moh) i Volda kommune. Storhornet er Sunnmørsnavnet og Bjørkenibba er Hornindalsnavnet på toppen. Frå toppen har du flott utsikt til Sunnmørsalpane og Nordfjordfjella.

Frå skisenteret går du løypene til Hjortedalssætra, derifrå går du mot Blåbreddalen, dersom vegen fram mot Hjortedalen er åpen og du startar der og det er vanskeleg å kome seg over elva er der ei bru ca 1,5 km frå Hjortedalssætra, gå så midt etter Blåbreddalen og oppå Blåbreden, når du er komen oppå Blåbreden ser du Storhornet/Bjørkenibba midt imot, gå så skråsida som fører til ein dal og gå dalen til foten av Storhornet/Bjørkenibba, gå derifrå sida mot toppen. Toppen består av eit flatt platå, så du må utpå kanten av dette for å få utsikt, ver då forsiktig for her kan vere store utoverhengande skavlar på alle kantar utanom der du kom opp. OBS. Skredfare frå begge sider i Blåbreddalen, gå midt etter dalen, skredfare frå toppane på austsida av Blåbreden, utpå våren kan der også vere fare for bresprekker i Blåbreden. Turen er 16,8 km tur/retur frå skisenteret, dersom vegen fram i Hjortedalen er åpna vert turen ein god del kortare.

Ta av frå E39 mellom Kvivstunnellen og Grodås, køyr fv 60 mot Stranda 1,4 km, ta av i kryss skilta mot skisenter, køyr til Hornindal skisenter. Parker her, avgift kr 50. (2022) Vipps eller kontant. Etter kvart som snøen minkar vert bomvegen som går fram i Hjortedalen åpna og kan køyrast, den går vidare frå parkeringsplassen, i tillegg går det å køyre fv 60 3,8 km frå E39 og ta av i kryss skilta mot Engebø og køyre så langt som vegen er åpen. Begge desse bomvegane kostar kr 50 (2022)

Skitur

Svart Fjell

Lengde

16,80 km tur/retur

Stigning

1260 m

Tidsbruk

5 t. 20 min.