Storeronda på Moltu

Storeronda er ein 5-topps-tur med start frå parkeringsplassen Kvia på Moltu, og går over 5 fjelltoppar på Gurskøya.  Distansen er på 13 km, og høgste punktet er på Sollia, 660 moh. For den mest spektakulære utsikta, bør du gå Syrebakkane først, og Storehanen til slutt.

5-topps-turen startar ved parkeringsplassen på Kvia i Moltudalen.  Gå mot Syrebakkane først for den mest spektakulære utsikta på turen. Deretter til høgste fjelltoppen på Sollia, 660 moh, vidare til Hestefjellet,  621 moh, til Selsteinen, 598 moh, og til slutt Storehanen 471 moh. 

Følg fv654 til krysset ved Stokksund, og ta av mot Moltu på 5868 Sandvikvegen. Etter passering Coop Moltustranda, ta av på Nygjerdevegen opp gjennom bygda. Parkering på Kvia i Moltudalen, eller ved Kviletua litt lenger fram, om du ønsker å snu turen.