Storelva på langs, i Barstadvik

Turen langs Storelva i Barstadvik er ein lett tilgjengeleg tur for alle aldersgrupper. Langs elva går du på gruslagd traktorveg og tursti, og det er fleire stadar du kan stoppe for å raste. Du kan starte på ruta akkurat der du vil. Startpunkt er anten frå Nytun, Erdalbrua eller frå brua ved E39 Barstadvik.

Heile runden frå brua ved E39 til Erdalbrua og ned att til E39 tek vel ein time. Råsa kan brukast alle årstider og er tilpassa dei fleste. Halvvegs i turen kan du ta ein stopp fram om brua som går over Tverrelva. På benken kan du nyte naturen og suset frå elva som renn langs råsa. Frå Erdalbrua går du langs bygdevegen til Nytun der du tek av mot høgre på traktorveg. Denne traktorvegen, Elvaråsa har vore Stikk Ut i fleire år og endar på Romestrand ved E39. Heile turen går langs elva og har lite stigning. 

Parker ved grusbana ved Barstadvik skule. Inga parkeringsavgift.