Steinsetsætra - Orkidevegen

Turen til Steinsetsætra går på sætreveg med jamn stigning, med eit par bratte parti. Langs sætrevegen er det mange orkidéar. Turen passar for alle.

Frå parkeringsplassen i Sætrevika på Fylling følgjer du sætrevegen oppover med relativt jamn stigning. Når du kjem til eit vegkryss tek du til venstre mot Steinsetsætra. Her startar "orkidévegen". Vegen held same høgde ei stund bortover skog- og myrområde med relativt mange orkidéar av nattfiol, skogmarihand og flekkmarihand. På tur i månadskifte juni/juli er det mest truleg at du ser flest av orkidéane på denne strekninga om du ser deg rundt langs skogsvegen. Det er svak stigning dei siste 100 høgdemetrane opp til Steinsetsætra. Du kan snu der, eller gå vidare på skogsveg til Brautesætra ved Mevatnet, og utforske traseane til skiløypene vidare. Steinsetsætra er starten på eit større samanhengande område med fleire vatn, myrar/våtområder, furuskog og sætremiljø.