Rundturen ved Solliåsen går i variert terreng med utsikt til Storfjellet, den gamle fjellgarden Skotet og innover fjorden heilt til Stranda. Ver ekstra oppmerksam ved ut- og innkøyring frpå vegen. Ganske uoversiktleg ved muren. Stien er delvis smal med bratte skrentar utanfor stien. Ver forsiktig, gå turen når det er fint og tørt!
Parker i enden av skogsvegen. Stien startar med ei ganske bratt stigning. Det heng merkepinnar i trea og i marka gjennom variert skogsterreng på heile turen. Her går vi langs tildels smal sti med bratte skrentar på sida til i neste strekning å gå gjennom tett granskog. Det er hengt opp raude merkeband der det er brattast utanfor kanten og tau er festa på innsida av stien på to plassar. Pass opp viss det er barn med på turen. Lenger opp kjem parti med stor, gamal furuskog. Innimellom opar skogen seg og du får fantastisk utsikt innover Storfjorden mot fjellgarden Skotet og innover fjorden til Stranda. Stien går ikkje oppom topp-punktet, legg gjerne inn ein avstikkar dit sjølv. På tur ned igjen forandrar landskapet seg. Her var det sommarfjøs og små grassletter som dei slo i gamle dagar og frakta ned att til garden med hest og slede. Etter kvart kjem du til ein stor stein like ved ein open utsiktsplass. Staden heiter Styggestihammaren og her er postkassa. Fin utsikt mot Vaksvika og det flotte området nede ved småbåthavna. Fortset framover langs Styggestiråsa fram til det dei frå gamalt av kalla Høggjelshammaren til de kjem til ei opa slette med eit sommarfjøs på. Her vender stien brått av og går innimellom forholdsvis bratt tilbake til startpunket.
Underlag | Lengde i km |
---|---|
Sti | 1,7 |