Soggnebba og "Jøtulomnen"

Soggnebba er eit høgt og fritt utsiktspunkt som ligg sentralt til i nedre Surnadal. Det flotte utsynet over bygd og fjord gjer dette til eit turmål å anbefale, men det gjer også hola «Jøtulomnen», som du finn ein kort avstikkar frå turruta.

Frå parkeringa ved lunningsplassen oppunder lia er turen skilta fram til turmålet. Den første delen av turen går etter relativt slak skogsveg, men etter ca. 1 km tek du inn på sti. Når du passerer høgste punktet på ruta, er du snart framme. Du må da gå eit stykke ned igjen for å koma fram til det finaste utsiktspunktet og turkassen. 

På nedre del av turen er ein avstikkar opp til den såkalla «Jøtulomnen» skilta. Dette er ei lita grotte i berget med flott utsyn over bygda. Dei siste metrane opp til hola er såpass bratte at ein kan trenge tauet som er der til å dra seg opp. Er ein dårleg til beins, er det derfor ikkje sikkert ein kjem seg heilt opp i hola.