Settemsvarden

På denne turen følgjer du skogsveg opp lia til flotte Settemsvarden. Her kan du nyte matpakken med utsikt over fjord og fjell frå rastebenken like ved varden. Det er enno ein del snø dei siste par hundre metrane heilt oppe ved toppen. Viss du tykkjer det er greitt å veda litt snø, går det greitt følgje fotspor i snøen dei siste metrane opp.

Frå parkeringsplassen på Settem følgjer du merka KNT-sti i retning Jutulbu. Dette er ein del av Fjordruta. Turistlina følgjer skogsvegen oppover. Omtrent halvmidt oppi lia kan du ein plass velje om du vil halde deg på skogsvegen, eller ta ein snarveg opp etter ein brattare sti der turistlina går. Stien kjem innpå att skogsvegen lenger opp, så her kjem du fram uansett kva alternativ du vel. Rett før du kjem opp på likanten, tek du av i yttersvingen og følgjer stien heilt opp på lia. Her tek du av utover i skilta retning mot Settemsvarden.