Sandfjellet frå Engebø

Fin skitur med flott utsikt mot sunnmørsalpar og Hornindalsvatnet. Lang og fin nedkøyring. Skredtrygg rute

Frå P-plass følger du løypa vidare. I første løypedele er det skilta Gamlesætra. Her skal du skråe oppover til høgre i granskogen på ein skogsveg. Følg denne eit stykke, knapt 500 m (ev. før), og baut deg opp gjennom skogen. Du kan truleg følge i andre sine spor. Når du kjem ut av skogen, er det berre å finne din eigen veg mot toppen. Du ser ikkje toppen før du er på ca. 1000 høgdemeter. Då skal du nokre få høgdemeter ned før du legg i veg på siste sida til topps.

Følg same rute ned att. Du får ei flott nedkøyring. Kanskje litt "baksing" i skogen, men det går fint å finne ei rute om du gir deg litt tid. Når du kjem ned att på skogsvegen, er det berre å følge denne ned att til startpunktet.