Sætrefjellet

Sjølve toppen er flat og fin og har flott utsikt i alle retningar. Familevenleg tur.

Start ved parkeringa på Solliedsetra like ved VIPP-hytta. Grei rås som i starten føljer same sti som til Høgsvora. Fyl råsa til terrenget flatar ut ved innløpet til Kvanndalen og råsa byrjar gå langs elva. Her skal du ta av på skrå til venstre og litt innover i dalen på ny rås som fører i retning av Geitanibba og Sætrefjellet. Råsa er merka med raud måling på steinane og merkepinnar. Sætrefjellet ligg no på venstre side. Det er ganske bratt eit lite stykke, men likevel greitt å gå. På toppen av denne stigninga opnar terrenget seg, ein ser mot Snaufjellet og sørvestover eit lett kupert terreng mot Vestrefjellet. Snur ein seg, har ein flott utsyn mot Høgsvora. Det ligg ei lita tjønn her, noko som gjer det ekstra fint å stanse. Skaret blir kalla Kleggskaret. Her på Kleggskaret skal du ta av til venstre flatt utover til Sætrefjellet. Denne turen er ny og stien frå skaret og bort til toppen er ikkje tydeleg enda.