Ytrehovdeåsen frå Badeberget rundtur

Rundt omkring i Hovdeåsane og ved Hovdevatnet er det eit nettverk av merka turstiar. Dette er ein fin familietur eller ein lett trimtur. Der er fleire utsiktpunkt med kvilebenkar og ein gapahuk.

Ved parkeringsplassen ved Badeberget står der ei informasjonstavle over stinettet i Hovdeåsane og ved Hovdevatnet. Rundturen startar ved informasjonstavla og går opp skogsvegen og er merka mot Ytrehovdeåsen. Skiltinga er mot sola. Ved enden av skogsvegen tek ein av mot nord og så til venstre i første stikryss. Så er det berre å følgje stien og merkinga tilbake til utgangspunktet.

For å kome til startpunktet, tek ein av frå E39 i Hovdebakken og inn på Ytrehovdevegen (siste kryss før flyplasskrysset når ein kjem frå Ørsta) Køyr ca 2,5 km på Ytrehovdevegen til ein kjem til nordsida av Hovdevatnet. Ved Badeberget er der ein parkeringsplass på nedsida av vegen.