Rotevassætra frå Botnavegen

Turen går på god skogsveg. Den høver godt til alt frå treningstur til roleg familietur. På Rotevassætra er der ei grindløde som alle kan bruke. I tillegg er det laga hengekøyefeste ved grindløda, så kvifor ikkje overnatte? Det er også bålpanne som du kan bruke. 

Det er lett å finne vegen. Frå turstart går det skogsveg heilt fram til setra. Det er skilta ved eit vegskille 1,5 km etter start. Flatt inn til vegskillet. Deretter litt stigning med nokre småkneiker.

Viss du vil gjere turen lenger, finn du turmål på turtavler undervegs og på setra.

Frå Volda sentrum, følg E39 mot Stryn i om lag 1,2 km. Ta av til Vikebygda i rundkøyring. Følg Vikebygdvegen i knapt 2 km og ta av til Vassbotnen. Følg Botnavegen knapt 300 m. Like etter ei bru startar skogsvegen. Parkering ved turtavle der skogsvegen startar. Det er plass til 6-7 bilar.