Rotevassætra frå Botnavegen

Turen går på skogsvegen som startar ved Botnavegen og går heile vegen til setra. Variert tur med flatt strekk første 1,5 km og så litt stigning opp til setra. Ofte er her brøyta. Viss ikkje, kan du lage ditt eige spor. På Rotevassætra er der ei grindløde som alle er velkomne til å bruke. 

Følg skogsvegen frå start og opp til setra. Det er flatt til vegen deler seg etter 1,5 km. Her er det ei turtavle og skilt, så det er lett å finne vegen. No vert det litt meir stigning, med eit par småkneiker. Dette er ein tur som dei aller fleste vil klare.

Vil du gjere turen lenger, kan du gå vidare til Vadsteinsætra t.d. Turtavlene viser ulike turmål i området.