Postvegen frå Landedalen

Den Trondhjemske postvegen går over Ørskogfjellet. Denne lille delen av Postvegen går på god skogsveg/sti i retning mot bygda Sjøholt. PS: Ver obs på brua over Tverrelva. Det er ikkje rekkverk og det veks mose og lyng på kanten. Pass godt på barna! På returen er det fin utsikt mot Ørskogfjellet. Turen kan forlengast i begge retningar.

Frå parkeringa går du etter nokre meter på skrå opp til venstre på nyanlagt grusveg som fører inn i undergang under Europavegen. Her fortset du rett fram på grusvegen som ganske raskt går over i skogsveg. Postvegen går i rette linjer. Vegen går over ein liten ås og går etterkvart nedover igjen mot Tverrelva. Her er det ei historisk bru som det står informasjon om på ein plakat og stein like ved. Turen kan vere ein liten "ut å strekke på beina tur" når du er på biltur over Ørskogfjellet. 

Parker på skilta parkeringsplass til Postvegen langs E39 mot Ørskogfjellet. Parkeringa er skilta frå begge retningar på Ørskogsida av Ørskogfjellet og ligg i den delen av vegen som har krabbefelt.