Nytt flomforebyggande tiltak har medført at Volda har fått ein flott turveg med fantastisk utsikt! Vegen har raskt fått namnet Panoramavegen og har blitt svært populær året rundt.
Start i Raudemyrvegen: Følg skogsvegen ca. 800 m, til svingen nedanfor Prestesætra. Her startar Panoramavegen. Du kan ikkje unngå å sjå den. Panoramavegen er ca. 1 km lang og går i same høgde heilt til Bergsvegen.
Start i Bergsvegen: Her kjem du rett inn på Panoramavegen. Følg denne vestover til endes. Denne ruta har omtrent inga stigning. Ta gjerne turen opp til Prestesætra. For å kome dit, følger du Prestesætrevegen ca. 100 m
Om du vil gå ein rundtur frå starten i Raudemyrvegen: Ta den bratte bakken ned langs elva i austenden av Panoramevegen. Ovanfor bebyggelsen går det ein eldre skogsveg som du kan følge tilbake til Raudemyrvegen.
Det er to startpunkt for denne turen.
| Underlag | Lengde i km |
|---|---|
| Grus | 3,77 |
Panoramavegen bitt saman to turvegar (vegen til Dinglavatnet og Bergsvegen) og dette har medført at du no kan følge tur-/skogsveg heilt frå P-plassen øvst i Raudemyrvegen og til Volda skisenter. På turtavla i vestenden av Panoramavegen finn du oversikt over turar i området.
Køyreskildring
Print ut
