Nykjen

Flott tur som passar store og små. På toppen er det fin utsikt mot Strandadalen, fjella Storhornet og Leirvasshornet, samt innover Moldskreddalen. Turen passar både som ein roleg familietur eller treningstur. Det er også mogleg å gå turen på vinteren med truger.

Frå merka parkering på Emdalen følger du traktorveg opp ein bakke til eit redskapshus. Hald mot høgre og følg skilting gjennom skogen og forbi eit jorde. Du vil møte ei grind (hugs å lukke denne) på toppen av jordet. Hald mot høgre og fortset på denne traktorvegen forbi to 180 grader-svingar. Etter dette vil du møte bjørkeskog. Her følger du raud merking oppover sti til toppen.

Det kan vere beitedyr på området, ta forhandsreglar, ta med søppel og la dyra gå i fred. 

Kjøyr frå Stranda sentrum mot Hellesylt i cirka 15 minutter. Når du kjem til Emdalen, tar du av til høgre og følger Stikk Ut-skilt mot ein parkeringsplass ved elva (Vipps). Viss du kjem frå Hellesylt er det 15 minutter å kjøyre mot Stranda, ta av mot venstre når du kjem til Emdalen og følg Stikk Ut-skilt til parkeringa ved elva.