Nakkevatnet på Liadal

Nakkevatnet er eit idyllisk turmål og turen opp har flott utsikt.

Turen startar ved øvste garden. I det brattaste partiet opp til Nakkevatnet er  det to stiar. Den slakaste stien vert kalla Hestekroken, og det er denne som er merka med Stikk Ut skilt og merker. På starten går ruta på traktorveg langs eit gjerde. Der vegen deler seg, hald til venstre og følg vegen til du kjem til eit Stikk Ut skilt som viser starten på stien. Stien er merka i områda der den kan vere litt utfordrande å følgje. Etterkvart kjem ein inn på ein tydeleg sti. Hugs å late att grindene etter deg. Stien går gjennom granskog og etterkvart bjørkeskog. Når du kjem ut av skogen, flatar det litt av opp mot Nakkevatnet.