Nærtur Syvde - Sarpen

Lett rusletur gjennom kulturlandskap til elvegjølet Sarpen. Store delar av turen er på gangveg eller svært lite traffikert veg. Vinteren 22-23 er det registreringspost for Stikk UT - vinterfottur ved brua over Kvitla

300 meter etter kyrkja i retning mot Volda er det skilta mot Nordal. Gå mot Nordalen, og ta av til venstre over ei bru i kryss nummer to etter at du tok av frå riksvegen ved sjøen. Rett etter brua tek du av til høgre og går relativt parallellt med elva framover i retning Nordalen. På enden av vegen blir det eit kort parti med sti. Stien går over i veg etter ei kort stund, og då er ein framme ved brua over Sarpen. Sarpen er eit elvegjel som elva har gravd ut frå slutten av istida for 10 -12 000 år sidan og fram til i dag. Spesielt flott er det ved stor vassføring. Legg og merke til kvernhusmurane på nedsida av brua.

Rutebeskrivinga tek utgangspunkt frå Syvde kyrkje. Vanlegvis vil ein finne plass til å parkere også nærare Sarpen.