Mulneset

Dette er ein koseleg skogstur som fører deg fram til Mulneset, rett overfor ferjeleiet på Kvanne. Her er det nærheita til sjøen, meir enn høgdemetrane, som gjer dette til eit utsiktspunkt det er verdt å besøkje. 

Frå parkeringa går du tilbake i retninga du kom ifrå. Gå rett fram i første kryss og fortsett etter vegen som heiter «Søysetøran». Denne vegen følgjer du i 2-300 meter før du tek inn på ein sti på venstre side av vegen. Denne fører deg til Mulneset. Gå tilbake same veg.

Startpunktet for denne turen er Søyabanen på Søyset ved Kvanne. For å koma dit må du ta av frå Fylkesveg 670 ca. 900 m frå ferjeleiet på Kvanne. Sving inn på Søysetvegen på nersida av vegen og kryss elva Søya. Etter ca. 250 meter svingar du til venstre inn på Søyavegen. Køyr i retning klubbhuset til i.l. Søya og parker ved skilta parkering.