Haugsbygda hamn er ei godt skjerma hamn i Haugsbygda. 70 m gjestebrygge er tilgjengeleg ved Gursken Båtlag sitt anlegg inne på hamna. Her er også moglegheit for bubilparkering. Nytt moderne båthus med dusj, WC, wifi og vaskemaskin. Bunkersanlegg for både båt og bil. Tilkobling for straum og vatn. Denne turen kan også gjerast med rullestol.
Frå parkeringa går du til endes på austre molo.
Ta av frå fv 61 i kryss ved Gursken Matsenter skilta mot Haugsbygda. Køyr fv 5868 Gurskevegen 4,7 km, ta til venstre skilta med Marina ned på hamna og parker her.
God parkeringsplass ved Haugsbygda hamn.
Her er også gjestebrygge, så denne turen kan nåast med båt.
Haugsbygda hamn var opprinneleg ei fiskerihamn bygd med vestre molo på 1980 talet, vart utvida med austre molo og småbåthamn med 62 båtplassar i 2014.