Moldeneset frå Kverve

Fin gå- eller treningstur i langs grusa veg med lite stigning som passar dei fleste. Ved Moldeneset er det fin utsikt utover mot Valderøy og Vigra.

Frå parkeringa går ein mot busskura og forbi dei. Då kjem ein til ein gangveg, følg den og gå første til høgre. Ved neste vegskille tek ein til venstre og går vestover. Når ein har gått vestover eit stykke vil vegen dele seg i ein V. Hald til høgre her. Vegen vil etterkvart dele seg i ein grusa veg som går ned mot sjøen og ein veg som er meir tilgrodd. Gå ned mot sjøen og du er ved målet.

Om du vil gå vidare heilt fram til sjølve Moldeneset, gå vidare på vegen som er meir tilgrodd og ta sti ned mot sjøen når den kjem.

Parkering ved busstoppet på Kverve.