Mo kyrkje

I mørketida er det alltid triveleg å sjå lys frå glas og lykter når du er ute og går, anten det no er snøvêr eller stjerneklårt. Viss ein går denne turen til Mo kyrkje, finn ein i tillegg i enden av ruta ei opplyst kyrkje. Her kan ein kjenne litt på den høgtida og roa som omgir ei slik bygning, før ein vender om og går turen tilbake.

Frå den skilta parkeringa ved Skarmo går du nordover etter den nye gang- og sykkelbanen, over Vinddølbrua og vidare gjennom Røv. Når du kjem til Røvsbrua, svingar du til venstre og går over brua. Fortsett så til du kjem til eit t-kryss. Her går du til høgre og vidare oppgjennom grenda til Mo kyrkje.

Frå krysset ved Skei køyrer du ca. 10 km oppover Surnadalen i retning Trondheim. Her går Vinddøldalsvegen opp på høgre side av vegen. På andre sida av vegen ligg ein verstadbygning, tidlegare Skarmo verkstad. Sving til venstre og parker på skilta parkering ved verkstadbygningen.