Melshornet frå Klatrevegen i Bratteberg

Melshornet er nok det mest besøkte turmålet i Volda/Ørsta. Hit kan ein gå både sommar og vinter. Det er lett tilgjengelig og har fleire utgangspunkt. Denne ruta er ei ny rute som er godt merka heilt i frå Klatrevegen. Utsikt frå Melshornet er super!

Start ved parkeringsplassen i enden av Klatrevegen. Skilt og merking viser veg. Etter eit lite stykke kryssar du skogsvegen som går mellom skisenteret og høgdebassenget. Skilt viser veg vidare. Ruta er merka heile vegen til topps både med skilt, merkepinnar som heng i trea og pålar som er slått ned i bakken. Stien er også tydeleg. Du må rekne med nokre våte område særleg i den nedre delen av turen.

Frå Volda sentrum: Køyr E39 i retning mot Stryn. Etter omlag 1 km kjem du til ei rundkøyring. Køyr rett fram på Vikebygdvegen i 1 km. Ta av opp Bakkelidvegen, så Hjellbakkane, Bjørnevegen og til slutt Klatrevegen. Ta av til venstre og opp til parkeringsplass der Klatrevegen deler seg heilt i enden. Frå rundkjøringa til parkeringsplassen, er det om lag 4 km. Turen startar i skogen på oppsida av parkeringspalssen. Sjå etter skilt.