Melshornet er ein svært populær skitur. Dei fleste går frå Volda skisenteret eller frå Krøvelseidet. Denne ruta er ein fin variant. Litt lenger og litt meir variert. Ein fordel også at det er kort veg til start frå store delar av tettstaden Volda. Mange kan faktisk ta på skia ved ytterdøra. Turen passar godt både for fjellski og randonee/telemark.
Frå parkeringsplassen følger du skogsvegen opp til Dinglavatnet. Ein knapp km etter start kjem du til den populære Panoramavegen. Om du vil, kan du ta ei alternativ rute her: Følg Panoramavegen ca. 300 m og ta til venstre opp ein eldre skogsveg (skilta). Ei litt kortare, men brattare rute. Du kjem inn på vegen att i svingen nedanfor Dinglavatnet.
Like før Dinglavatnet tek du av til høgre mot Melshornet. Snøtilhøva avgjer rutevalget. Eit anna ruteval kan vere forbi Turnhytta, om lag 400 m tidlegare på vegen (skilt).
På returen er det også snøtilhøva som avgjer rutevalet. Du kan enten ta ei rute slik at du følger ryggen ved Dinglavatnet, eller du kan følge dalen ned mot Turnhytta. Når du kjem ned att på skogsvegen, følger du denne ned att. Ta omsyn til andre turgåarar.
Køyreskildring
Print ut
