Lysløypa er bygd for heilårsbruk. Stikk ut posten finn du innst i lysløypa ved bommen til skogsvegen til Kleppefurene. I sommarhalvåret kan ein bruke løypa både til fots, med vogn og på sykkel. Det er utplassert benkar og laga bålplassar fleire stadar i løypa.
Turen startar på 150 moh ved parkeringa til Lysløypa på Leikongeidet, og grusvegen slyngar seg gjennom det lett kuperte landskapet. Hovudtraseen med lys går i 2 sløyfer, totalt 3 km. Lysa er på frå det blir mørkt, til kl 23 kvar dag.
Lysløypa på Leikong går gjennom lett terreng, delvis gjennom ein urskog av furu. Det er ein god grusveg å gå på, og kjekk oppleving for dei som har to eller fire hjul. Fin utsikt mot Sunnmørsalpane, Eika og Rovdefjorden.
Ta av fv654 i Myrvåg-krysset, og køyr fv 61 mot Leikong og vidare mot Larsnes. Før toppen på Leikongeidet, ta av til parkering.
| Underlag | Lengde i km |
|---|---|
| Grus | 2,7 |
Last ned appen for audioguiden Voice of Norway, så har du med deg guide på turen gjennom Lysløypa på Leikong. Opne heile guiden for Havlandet, så får du høre alle dei spennande lokale historiene på turen rundt om i Havlandet.
Køyreskildring
Print ut
