Fin fottur vår, somar og haust med flott utsikt frå Lyngesætra. God rås heile vegen som er godt merka med raude skilt. Ein litt krevjande tur, då den har eit litt stigande terreng. Nokre delar av stien kan være litt sleipt eller vått, så bruk gode sko.
Turen startar på asfalt, men i sjølve stigninga er det berre terreng og rås.
Gå frå parkeringsplassen ved Olav`s Plass mot byggefeltet i Barstadvik (Bergane).
Her kjem du først til nedre del av byggefeltet Bergane.Ta av til venstre opp mot øvre del i byggefeltet.
Gå heilt til enden av gata. Her vil du finne ei trapp som går til øverste del av byggefeltet. Følg trappa og vidare opp mot øverste felt. Her vil du finne raude skilt merka med Stikk UT.
Øverste feltet fører vidare til ein liten skogsveg vidare mot stigninga til Lyngesætra. Etter at du har passert ein liten skogsveg, ser du tydelig StikkUT skiltet. Her startar stigninga oppover. Du kjem til skilting «Gjeiteråsa» vidare til «Tausabråtå» og siste «Kvilesteinen». Kvilesteinen er ca halvvegs på turen.
Like før du er ved turkassa, må du trakke over ein løypestreng som kryssar råsa. Denne løypestrengen vart brukt i «gamledagar» for å sende fersk mjølk frå dyra og gras tilbake til garden.
På Lyngesætra står murane att frå ein gamal sommarfjøs. Her er det flott utsikt og fint å sitje.
Køyreskildring
Print ut
