Ljøsetra frå Ljøen

Start på fin og gruslagt veg med 35 svingar som slyngar seg opp frå 320 moh til setra på ca 645 moh. Flott utsyn over Sunnylvesfjorden og Geirangerfjorden, ein time i med jamn stiging på ca. 320 høgdemeter. Stigen er ein del av Den trondhjemske postvei. 

Ljøsetra ligg lunt og ueksponert til. Postvegen som går gjennom området er godt merka, men noko tung og bratt med over 300 meter stigning på halvannan kilometer.

På setra står det to eldre sel, som har vorte pussa opp og no står fram som hytter. Denne ruta var ein liten del av den 800 km lange postruta mellom Bergen og Trondheim, men vart sett på som ein av dei mest krevjande delane. Gjennom vinteren hende det seg at dei måtte hale seg opp og ned Herdalsbrekka ved hjelp av eit 245 meter langt tau. I 1862-63 vart ein hesteveg anlagt i Herdalsbrekka og ein kunne køyre med hesteslede. Fire år seinare vart postruta over Ljøbrekka lagt ned og dampskipa tok over posttransporten mellom Bergen og Trondheim.

No er den flittig brukt av bebuarar og turistar heile året, også på vinterstid. På vinteren blir det ofte tråkka spor, men det kan vere lurt å ha med broddar/kjetting om det er mykje snø.

Parkering mellom dei to tunnelane på Riksveg 60 Stranda - Hellesylt. Gratis parkering.