Litletua frå Holesanden

Denne turen passar for dei fleste. Startat på skogsveg opp til Alskleiva. Derifrå er det skilta mot Litletua til venstre. Her går råsa i tett natur, med lauvskog. Det er også tau eit par plassar ved Grøtnakken der det kan vere litt klatrete. Men ikkje ein vanskelig tur. Flott utsikt når ein kjem opp, og vel verdt turen.

Turen startar ved parkeringsplassen framme på Holesanden. Du går til venstre, opp langs asfaltert veg til du kjem til krysset, og her tar du av mot venstre på grusveg. På venstre side har du gamle Snipsøyr skule, som i si tid var eit staseleg og viktig bygg. Du går gjennom eit par gardstun, og så vidare på skogsveg. Her er det skilta med turar til Ulsettua, Korshamna, Kvamstua og Blåtinden. Du finn sittebenkar langs vegen. Turen går i variert lauvskog, med stor planterikdom. Når du kjem opp til Alskleiva, er det skilta rås vidare mot Litletua. Her er naturen tett på. Eit par plassar er det også tau, der det kan vere fint å holde seg i når det blir litt bratt fjellparti ved Grøtnakken. Men desse er berre veldig korte, inne i lauvskogen. Kjekk og fin tur med superfin utsikt på toppen.