Lausundholmen over Lepsøybrua

Det er ikkje anna enn spektakulært å gå brua over Lepsøyrevet, som saman med Hamnaskjersbrua til Lausundholmen knyt Lepsøya til fastlandet på Skjelten. Under den den 41 meter høge Lepsøybrua går skipsleia, og det er utruleg fasinerades å stå oppe på brua når til dømes Hurtigruten passerer under. 

Frå parkeringsplassen på Skjelten følgjer ein gangvegen over brua som er avskilt frå køyrebanen med rekkverk. Etter eit kort stykke på gangvegen kan ein treffe på stengd port. Dette er viltsperre som kan opnast ved å trykke på ein knapp ved sidan av. Oppe på toppen av brua er det spektakulært utsyn over skipsleia. Og er du heldig passerer det ein båt under som du kan sjå ned på.
Det ærverdige Lepsøyrevet fyr ligg også godt synleg like ved brua. Og tek du turen sommarhalvåret kan du mange kveldar nyte ein fantastisk solnedgang frå brua. 

Når du er ferdig med Lepsøybrua kjem du etter kvart til rundkøyringa på Lisjelauka. Her fortsett du rett fram over Hamnaskjærsbrua mot Lepsøya. Turmålet med Stikk UT!-posten er ved benk på Lausundholmen, før du kjem i land på Lepsøya. Det er asfalt heile strekninga.

Ved avkøyringa til lepsøybrua, frå Hildrestrandvegen fv 659, på Skjelten er det stor parkeringsplass.