Kystpilegrimsleia i Ålesund startar ved turistinformasjonen i sentrum av byen og avsluttar ved det historiske museums- og friområde Borgundgavlen. Turen går via dei 418 trappetrinna til det velkjente utsiktspunktet Fjellstua, og vidare innover turveiane på byfjellet Aksla. Ruta er merka slik at ein kan gå turen begge vegar.
Turen startar ved turistinformasjonen. Gå via Kongens gate og opp "tusentrappene" til byparken. Herfrå går turen opp dei 418 trappetrinna til Fjellstua. Følg så turveien vidare innover byfjellet Aksla, heile vegen til Fagerlia. Denne delen av turen går på grussti, med unntak av eit kortare parti på asfalt ved Kråmyra. Ved Fagerlia går ein gjennom eit byggefelt før ein kryssar Gøngstøvikvegen og inn på ny grusti som rundar rundt Øvre Gravlund. Følg så Lårsgårdsringen og ta til venstre i krysset ved Fagskulen i Ålesund. I krysset ved SPAR Larsgården tar ein til høgre og kryssar brua over Nørvasundet. Herfrå går ein via Middelaldremuseet og vidare til Nøkkelstaden; Borgund kirke.
Turen er ei vandring på 1,5 - 3 timar og gir godt utsyn over byen og området rundt. Langs grusstien er det fleire gapahukar og benkar som gir gode høve til rekreasjon og kvile.
Køyreskildring
Print ut
