Kyrkjehornet rundtur

Turen til Kyrkjehornet er ein fin rundtur der du får god utsikt over Rovdefjorden og Hallefjorden, du har også utsikt mot fjella i Vanylven og utover mot øyane i ytre Sande. Du passerer også gapahuken i Sandmyra der det er tillaga med rastebord, bålpanne og badeplass. På rundturen får du også gå deler av den gamle vegen gjennom Saudedalen.

Frå parkering ved kyrkja går du fram i Dalen ca 750 m på asfalt og tek til venstre opp skogsvegen som byrjar ved vassverkshuset, gå den til vegs ende ca 750 m, då kjem du til gapahuken, då kryssar du elva og går råsa søraustover ca 80 m, råsa tek då til høgre og går sørover til Kyrkjehornet ca 1 km, godt skilta i alle vegkryss. Frå Kyrkjehornet går du råsa tilbake vestover skilta mot Vasstranda, du går då vestapå Kleivahornet og kjem då ned på den gamle vegen frå Larsnes til Årvika som gikk gjennom Saudedalen, siste stykket av råsa går over dyrka mark, frå Vasstranda er det ca 300 m på grusveg ut til parkeringsplassen ved kyrkja. Dersom du skal gå turen frå vassverkshuset er det ca 1,9 km til Kyrkjehornet, skal du gå frå Vasstranda er det ca 1,8 km til Kyrkjehornet og 300 m til parkering ved kyrkja.

Ta av frå fv 61 i vegkryss på nordsida av Larsnes sentrum skilta mot sjukeheim og kyrkje, køyr Sjukeheimsvegen/Prestegardsvegen ca 750 m og ta til høgre etter prestegarden, køyr ca 100 m og parker ved kyrkja, dersom du ikkje vil gå rundturen køyrer du vidare fram i Dalen ca 750 m og ta til venstre og parker ved vassverkshuset. God parkering ved kyrkja eller ved vassverkshuset.