Kvitneset (Kvitsteinen) frå Vaksvika

Kort tur som passer for både små og store. Nedstigninga den siste biten kan gjere turen litt utfordrande for dei som er litt dårleg til beins.

Lokalt har turmålet også namnet Kvitsteinen.

Fin tur for fiske frå land.

Gjer vel og ikkje fyr opp bål eller eingongsgrill på svaberget. Svaberget vil sprekke opp av oppvarming og nedkjøling.

Frå parkeringa går du motstrøms langs elva fram til brua. Kryss over og hald fram til høgre på stien her. Før ein kjem til nausta må ein ta stien til venstre, opp ei lita skråning. Her flatar det ut igjen og ein held denne høgda fram mot nausta. Dei passerer ein på si høgre hand. Hald fram vidare og stien vil etterkvart gå meir oppover i terrenget før den blir av meir flat karakter. Etterkvart vil ein kome til eit skilt som peikar i retning Kvitneset. Hald til høgre for skiltet så vil ein sjå stien som fører ein relativt bratt og litt ulendt ned til Kvitneset.

Ta av frå Storfjordvegen ned Vaksvikvegen og hald fram ned til småbåthamna. Parker på oppstillingsplass ved elva. Ver obs på at ein køyrer gjennom gardstun på veg ned, så sakte fart.