Nytt turmål 2021, i storslått natur med fin utsikt. Start frå Gjerdsstølen og fyl sti oppover mot ei raud hytte, dei første meterane. Etter å ha passert denne på høgre side, er det godt merka med piler og band vidare. Delar av terrenget er noko myrlendt og vått, utan at det skal vere noko problem. Kodeplata er plassert på stor furu attmed vatnet.
Frå Gjerdsstølen går ein i retning nord (motsett veg i høve til Svartevatnet). I starten passerer ein ei raud hytte (gå på høgre side av denne). Det er ikkje opparbeidd sti vidare frå hytta, men fleire retningspiler og i tillegg merkeband skal gjere det greit å finne fram. I dette området ligg også Puskesætra og Pusken, der det i tidlegare tider har vore stølsdrift. Når ein kjem til vatnet, som altså har denne karakteristiske krokete forma, befinnn ein seg heilt i vestenden. Kodeplata er festa til ei stor furu, tett attmed vatnet.
I vegkryss på Dyrkorn (Fv 650) tek du av og køyrer oppover bygda. Etter 1,5 km tar du til venstre og fortsett vidare om lag 1,5 km til krysset mot Øggarden. Der tek du til høgre og etter å ha køyrd 150 m til, kjem du til bomveg (kr 30,-). Fortsett om lag 1,5 km til Gjerdsstølen, som er eit kosleg stølsområde med gammal bebyggelse og ei lita elv som renn gjennom stølen. Alternativ start til turen er å parkere der bomvegen startar ved Ødegård og gå fram til Gjerdsstølen. Grusveg omlag 1,5 km.
| Underlag | Lengde i km |
|---|---|
| Ingen sti | 1,76 |
På Dyrkorn finn ein m.a. unike kvelvingsbruer og ikkje minst bygningane knytt til Dyrkornanleggene, som er godt ivaretekne. Det er også ei unik utsikt, som berre blir betre og betre, etterkvart som ein beveger seg oppover frå fjordnivået. Anbefalast! Spesielt i periodar med mykje nedbør, kan det bli ganske vått i det partiet av turen der ein passerer myrlendt terreng.
Køyreskildring
Print ut
