Koppefjellet frå Rotevassætra

Koppefjellet er eit fint turmål med flott utsikt. Den er også ein topp som får vitjing på rundturar, t.d. Hestehornet-Vatnenipa-Koppefjellet. Det ligg enno litt snø i høgda. Anbefalar difor å tenke på rett fottøy og evt. ta med stavar 

Ruta er merka. Store delar av ruta har svak sti eller ikkje sti i det heile, så følg med på merkinga slik at du finn beste ruta til topps. På Rotevassætra går du sti rett opp, på venstre side av eit grått sel. Du passerer ein steingard og nokså snart etter denne skal du svinge til venstre og gå opp gjennom fin bjørkeskog. Her er det stort sett sti, men også ein del dyretrakk. Når du kjem ut av skogen har du fin utsikt ned på setra. Det er sti eit lite stykke vidare, men etterkvart forsvinn den og då følger du merkestaurane vidare til topps