Kongsvollen via Bukketrappene

Turen er kanskje Hareidlandet sin mest spektakulere. Her får du panoramautsikt mot Sunnmørsalpane, Vartdalsfjorden, Breisundet og heile kommunen.

Fra Holesanden tek du til venstre, opp langs asfaltert veg til du kjem til krysset, og her tar du av mot venstre på grusveg. På venstre side har du gamle Snipsøyr skule, som i si tid var eit staseleg og viktig bygg. Du går gjennom eit par gardstun, og så går resten av turen på skogsveg. Her er det skilta med turar til Ulsettua, Korshamna, Kvamstua og Blåtinden. Du finn sittebenkar langs vegen og gode rastemuligheiter, sitteplassar og leirplass når du kjem fram. Turen går i variert lauvskog, med stor planterikdom, og oppe på Alskleiva er det flott utsikt mot fjorden og Vartdalsfjella i søraust, og Snipsøyrvatnet og Hareidsdalen mot nord. Vidare går turen mot Kvamstua i litt ulendt og utydelig rås. Når du kjem til Kvamstua vert råsa med ein gong mykje betre. Den vel 2 km lange fjellryggen frå Kvamstua mot Kongsvollen (683) er lett kupert i starten før den blir brattere dei siste 100 høgdemetrane, heile tida på god sti. Stien opp her heiter Bukketrappene. Det er knapt behov for å bruke hendene på denne fjellryggen, men kan opplevast som noko luftig i øvre del.

Turen startar ved parkeringsplassen framme på Holesanden. Ingen parkeringsavgift.