Klepp - Ring - Nivskollen - Klepp

Fin rundtur bak bebyggelsen på Engeset/Klepp. Her er det eit mangfald av stiar. På denne ruta er du innom to flotte utsiktspunkt: Ring (511 moh.) og Nivskollen. 

Frå turtavla følger grusvegen ca 150 m. Her svingar grusvegen til høgre, men du skal gå rett fram på sti og følg denne vidare. Ruta er skilta og merka heilt opp til Ring. På Ring er det fint å stoppe litt og nyte utsikta. Frå Ring følger du sti utover mot Nivskollen. Flott utsikt når du går utover her. Ute ved ein varde er det benk, grill og fin utsikt, så ta gjerne ein stopp her også. Følg stien vidare. Etter ei lita stund kjem du til ei hytte i skogen. Det er faktisk ei innebygd campingvogn! Stien går litt bratt nedover etter hytta, før du kjem ned på ein eldre skogsveg. Ta til høgre når du kjem ned til skogsvegen og følg den til du kjem til eit skogsveg"kryss". Ta av til venstre til Klepp; det er skilta. No går det skogsvegar og sti tilbake til Klepp. Likar du å plukke sopp, kan du leite etter det her. Etter litt over 1 km, kjem du til ein grusveg, som du følger vidare i ca 500m. Ta så til venstre og følg den private vegen tilbake til Kleppetunvegen og Kleppevegen, og så vidare til turstart.