Ein av sentrumstoppane i Hareid. Turen opp til Holstadhornet går på hellelagd sti (Køyrevegen) store delar av vegen. Du har flott utsikt mot mellom anna fire fergstrekningar.
Frå Finnsgardsparka tek du vidare til venstre opp Teigeråsa. Fortsett til toppen av bakken. 50 meter til venstre på Hovlidvegen går Torkelvegen inn til høgre. Etterkvart flatar vegen ut, og cirka 50 meter etter utflatinga går ein liten sideveg mot venstre. Ved enden av denne går stien over ei mark langs ein steingard til venstre for den grå løa, og vidare opp gjennom eit tun. Stien kjem meir tydelig fram etterkvart som du kjem inn på, hellelagd sti; Køyrevegen. No er det tydeleg sti heilt til topps. Nokre fuktige parti mot slutten, men elles er det tørt og fint.
Køyreskildring
Print ut
