Hestehornet - skitur

Variert og kjekk skitur med flott utsikt på toppen. Her er det normalt få skigåarar så her kan du få urørt snø. Turen er også fin med truger

Start ved bomvegen til Krøvelsætra. Etter ca 200 m kan du ta av oppover i skogen, eller du kan følge skogsvegen. Det er litt kortare å gå skogen; du må finne di eiga løype her. Går du gjennom skogen, kjem du opp på skogsvegen på ei flate før nokre nye hytter. Følg vegen til du kjem til desse hyttene. Der vegen går opp til hyttene, skal du skråe svakt oppover i skogen (retning søraust). Hald deg nedanfor granskogen i 7-800 m. Etterkvart må du finne ein veg gjennom granskogen. Når du har gått gjennom denne, dreiar du nordaust. Det er nokså bratt eit lite stykke (3-400 m) før du tek til på siste ryggen opp mot toppen. Her er det fin bjørkeskog som du kan svinge deg i på returen. Følg same rute tilbake. 

Ruta er raud fordi det kan vere litt krevande å renne ned det bratte stykket før du kjem ned att til granskogen. Bortsett frå dette, er det ingen vanskelege parti.

Du bør ha fjell-, telemark- eller randoneeski