Haugasetra

Dette er ein kort tur, berre 1,5 km, men såpass bratt at den passar godt som ein rask trimtur på kveldstid. Stien er tørr og fin, og startpunktet er lett tilgjengeleg. Målet for turen er tuftene etter Haugasetra som før låg oppå liabruna her.

Frå parkeringsplassen går du tilbake til krysset. Der kryssar du vegen og tek inn på merka og tydeleg sti på venstre side av busskuret. Etter ei stund kjem du opp på ein ganske ny skogsveg. Gå oppover etter denne skogsvegen og gjennom eit hogstfelt. Vegen flatar ut oppmed skogkanten i øverkant av hogstfeltet. Du kryssar ein bekk som er lagt i rør før ein sti tek av på øversida skogsvegen. Følg så merka trase oppover til den tidlegare setervollen.