Grigås natursti i Stordal

Natursti med informasjonstavler undervegs. Opplysningar om dyr, planter og natur. (Obs! Det vert jobba for å få utbetra informasjonstavlene, då dei er i dårleg forfatning) Turkasse om lag halvvegs i naturstien. Litt bratt opp- og nedstigning. Turen går for det meste i barskog.

Start frå Stordal skule. Kryss vegen over fotgjengarfeltet og gå mot venstre. Ved postkassestativet tar du til høgre og følg vegen mot Vinjehjellane bustadfelt ca 500 m, til du kjem til skiltet merka Grigås natursti. Her går du inn i gjerdet, held mot høgre og rett opp ei bratt stigning til dei øvste husa i bustadfeltet. God rås vidare mot høgre og inn i skogen. Du kan følge råsa gjennom skogen og ned til Midtbustgardane og gå vegen tilbake til Stordal skule. Alternativt kan du midtvegs i turen gå vidare mot Midtbustsætra, Turrnausa eller andre turmål. 

Parkering ved Stordal skule.