Gjerdsnakken

Fin tur opp bak Gjerdsnakken på Lande. Mesteparten av turen går på veg eller skogsveg. Ta gjerne ein avstikkar opp på toppen på veg tilbake. 

Følg skilting frå Sjøholt folkehøgskule. Gå langs asfaltvegen oppover bakkane mot Bårdsgjerde. Like etter at du passerer eit småbruk med fjøs på høgre side er det merkepinnar som viser veg over marka. Her går stien vidare inn i skogen bak Gjerdsnakken. Du går først på sti før det går over i ein gamal skogsveg gjennom gran- og blandingsskog. Her er terrenget ganske flatt framover eit stykke før vegen svingar først først til venstre og så mot høgre. Her er turmålet på venstre side. Terrenget opnar seg opp og du kan nyte utsikta mot Giskemonibba. Snu og gå same veg tilbake, men ta gjerne ein avstikkar til toppen av Gjerdsnakken først. I bakken ned mot Sjøholt folkehøgskulen har du flott utsikt ut Storfjorden.